Мода. Мова. Моладзь

З мэтай выхавання ў вучняў пачуцця патрыятызму, цiкавасцi да нацыянальнай культуры, роднай мовы, народнай творчасцi ў 10 і 11 класах прайшла класная гадзіна ў форме гадзіны развіцця “Мода. Мова. Моладзь”, “Беларускія прысмакі”. Мерапрыемства садзейнiчала выхаванню павагi да нацыянальных традыцый, да вывучэння беларускай мовы, жадання размаўляць на ёй. У час дыялога вучні паказалі сваю цiкавасць да вывучэння гiсторыi Беларусi, кемлiвасць, дапытлiвасць, праявілі творчыя ўяўленнi, фантазiю, убачылі сувязі памiж рознымi вiдамi народнага мастацтва: промысламi i рамёствамi, музыкай i вуснай народнай творчасцю.